十二月 142009
 

以下只是隨筆,所以用廣東話寫,看不懂別問,因為我不懂解釋的XD

正式大標題叫「darker than black」,簡稱DTB,我最近新追看的
比較特別的是,它是非漫畫/小說改編的原創動畫
漫畫版「漆黑之花」係動畫出左之後先有的喔
我諗佢係靠賣DVD賺錢…第1季第26話=大結局竟然放落DVD度賣!高招!

除左而有追緊第2季的流星之雙子,我仲DL返第1季慢慢煲
(幾經辛苦終於搵到…遲下我會連埋第2季一齊upload分享的)

第1季的動作真係好勁,幾乎集集都有睇頭(只係幾乎)相較之下第2季打鬥場面少好多
冇咁刺激,亦都少左血腥同便當(只係少左,仍然有XD)

李舜生毫無疑問是第1季的亮點!超萌超~可愛!けしからん鎖骨!>口<

nico度有人話,如果話第1季係中二動畫,咁第2季就係宅動畫(爆)
因為女主角蘇芳有變身片段又係「少女&狙擊槍&松鼠」的配塔!
至於點解第1季係中二呢,
我都唔清楚,因為殺人太多D角色又懶cool掛?查實中二動畫有咩例子?

話說nico的精簡版,多數有搞笑野,推薦一看wwwwwww

(望住某些人)
如果有睇開「神槍少女」(GG)的朋友,DTB都可能o岩你地
因為佢D入面的「契約者」同「義體」有少少相同之處
都係只能戰鬥到最後一刻,同埋打鬥血腥呢類場面都好似
(一旦變成契約者,就會被軍方或組織挖角辦事,當然易死)
不過DTB就有好多偏科幻的元素,例如能力、星空消失、觀測靈等等
當然你唔好期待場景會好似GG咁華麗鮮豔啦,背景唔係意大利呀www